Hér er farið yfir helstu skref við undirbúning og skipulagningu efnistöku. Fjallað er um helstu atriði sem hafa þarf í huga við val á efnistökusvæði og mat á verndargildi, tilhögun við skipulagningu efnistökunnar og frágang svæðisins að lokinni vinnslu.
Við val á efnistökusvæði er mikilvægt að velja efni úr þeirri gerð jarðmyndunar sem best hentar fyrirhuguðum notum á efninu. Einnig er mikilvægt að haga efnistöku þannig að hún valdi sem minnstum spjöllum á landi.
Forðast skal röskun verndarsvæða og ber að hafa samráð við hlutaðeigandi stofnanir og sveitarfélög varðandi nýtingu þeirra til efnisvinnslu.
Þegar námusvæði hefur verið valið þarf að skipuleggja bæði sjálfa efnistökuna og frágang námunnar áður en efnistaka hefst.
